Køyr karusellar, klapp sauer langs vegen, bad i vatn og elver og ta overnattinga på ein stad som byr på det vesle ekstra. Suleskarvegen har det som skal til for å gi familien mange gode minne.
Også dei ulike sjåverdigheitene langs Suleskarvegen kan gi interessante og gode opplevingar for familien. Naturattraksjonar som Gloppedalsura, med dei kjempestore steinane som ein gong i tida har buldra ned fjellsidene, er spennande å utforske; det same er dei store damanlegga. På Byrkjedalstunet kan du helse på dei tre bukkane Bruse eller bli med på ljosstøyping, og i aktivitetsparken i Eidsborg er det ein arkeologisk utgravingsstad der du kan finne fornminne frå jernalder og middelalder.
Hugs på at store deler av vegstrekninga ligg midt i naturen – med mange moglegheiter for å slå opp telt, nesten i vegkanten.
Dra på oppdagingsferd langs Suleskarvegen!